Боян Калевич: "1500-2000 доллар атрофида маош олаяпман"
20 янв 2014 15:31
Новости

Боян Калевич: "1500-2000 доллар атрофида маош олаяпман"

Бекободнинг "Металлург" ҳамда Тошкентнинг "Бунёдкор" жамоаларидаги ўйини билан ўзбекистонлик футбол ишқибозларига яхши таниш бўлган Боян Калевич айни пайтда Мальта чемпионатида тўп тепяпти.

Ўтган йили Черногориянинг "Младост" клуби таркибида Европа Лигасида ўйнашга муваффақ бўлган Боян "Севилья", "Видеотон" ҳамда "Сеница" жамоаларига қарши майдонга тушганди. Биз Боян билан боғланиб, айни пайтда қайси жамоа шарафини ҳимоя қилаётгани билан қизиқдик.

- Ярим йилдирки, Мальтанинг "Моста" клубида ўйнаяпман. Кеча "Флориана" жамоасини 1:0 ҳисобида мағлуб этдик. 19-турдан сўнг жамоамиз 29 очко билан 5-ўринда бораяпти. Кечаги рақибимиз 8-поғонадан жой олган. Турнир жадвалида "Биркиркара" клуби 50 очко билан пешқадамлик қиляпти. Кучлик учликдан "Валетта" ва "Хайбернианс" клублари жой олишган.

- Ўтган мавсумни Черногория чемпионатида бошлаб, Европа лигасида ҳам ўйнашга улгургандингиз. Шуни инобатга олсак, фаолиятингизда пасайиш кузатилибдида?
- Балки. Лекин менга Мальта чемпионати ва қолаверса мамлакатнинг ўзи ҳам маъқул келяпти.

- Сир бўлмаса, бир ойлик маошингиз қанча?
- 1500-2000 доллар атрофида маош олаяпман.

- Ўзбекистонга қайтиш ҳақида ўйламаяпсизми?
- Қарши бўлмасдим. Аммо ҳали ҳеч қандай таклиф олмадим.

Камолиддин Алимов суҳбатлашди.

Ссылка :

Источник : championat.asia

Получайте новости прямо в Telegram!

Рейтинг: