"Боруссия Д" 15 ёшли ҳужумчини ЕЧЛ қайдномасига киритади. У турнир рекордини янгилаши мумкин
12 окт 2020 21:23
Новости

"Боруссия Д" 15 ёшли ҳужумчини ЕЧЛ қайдномасига киритади. У турнир рекордини янгилаши мумкин

Дортмунднинг "Боруссия" клуби 15 ёшли форварда Юссуфа Мукокони Чемпионлар Лигаси учун рўйхатдан ўтказмоқчи. Бу ҳақда клуб директори Михаэль Цорк маълум қилди.

Мукоко "B" рўйхатга киритилган. У 20 ноябрь куни 16 ёшга тўлади, шундан сўнг Бундеслига ва ЕЧЛда ўйнаш ҳуқуқига эга бўлади. Агар Мукоко 24 ноябрь куни ўтказиладиган "Брюгге" билан ўйинда майдонга туширилса, Чемпионлар Лигаси тарихидаги энг ёш дебютантга айланади. Амалдаги рекорд Селестин Бабаярога тегишли бўлиб, нигериялик собиқ футболчи "Андерлехт" таркибида турнирда дебют қилганида атиги 16 ёш-у 84 кунлик эди.

Маълумот учун, Мукоко Камерунда туғилган, аммо Германиянинг 20 ёшгача бўлган футболчилардан иборат терма жамоаси сафида 2 та ўйин ўтказишга улгурган.

Мукоко 12 ёшидаёқ 17 ёшлилар жамоасида ўйнар эди. У ҳозир 19 ёшгача бўлган ёшлар чемпионатида тўп тепади. Ўтган мавсум 20 ўйинда 34 та гол урган ўйинчи лиганинг энг яхши тўпурарига айланган эди.

Ссылка :

Источник : sport24

Получайте новости прямо в Telegram!

Рейтинг: +17