Болалар футболи: Сирдарё вилояти Республика чемпиони

Андижон вилояти Андижон шаҳар Шўрбулоқ даҳасида жойлашган футбол маҳорат мактаби майдонида 2006 йилда таваллуд топган БЎСМ ва ИБЎСМ тарбияланувчилари ўртасида «Спорт мактаблари футбол лигаси» Республика финал босқичининг финал учрашуви бўлиб ўтди.

Маскур финал учрашув курашларга бой, қизғин, жанговор руҳда ва муҳлислар иштирокида қизиқарли бўлиб ўтди. Финал учрашувнинг асосий вақтда жамоалар кучлари тенг келган бўлса, пенальтилар сериасида эса Сирарёликларга омад кулиб боқди ва мусобақа ғолибига айланишди.

Финал

Фарғона - Сирдарё - 1:1 пен 4:5

Голлар: С.Бахрамов 25, И.Умматов 35,

1-ўрин, Сирдарё

2-ўрин, Фарғона

3-ўрин ,Наманган

3-ўрин, Тошкент вил.

Мусобақанинг ёпилиш қисмида турли номинасияларда энг яхши деб топилган футболчиларга, Жисмоний тарбия ва спорт бошқармаси ўринбосари Элёр Ғуломов, Андижон футбол ассотсациясининг биринчи вице-президенти Бегзод Каримов, Андижон вилоят футбол маҳорат мактаби директори Насибилло Мадрахимов ва Ўзбекистон футбол ассотсацияси мутахассиси Жахонгир Амиржановлар мусобақа иштирокчиларига диплом, медаль, ва қимматбаҳо совғалар билан тақдирландилар.

Энг яхши дарвозабон - Абдурахмонов Абдуллох (Тошкент вил.)

Энг яхши тўпурар - Мухаммадхўжаев Саидаъзам (Наманган)

Энг яхши ўйинчи - Саидахмедов Билолдин (Фарғона)