Богуслав Баниак: "Мағлубиятга сабаб бўлган барча хато ва камчиликларни ўз зиммамга оламан"

"Биринчи навбатда шуни айтиб ўтишим мумкин, сўзларим рус тилида бир оз тушунарсиз чиқиши мумкин. Бугунги ўйинда мағлубиятга сабаб бўлган хато ва камчиликларни ўз зиммамга оламан.

Жамоани қабул қилиб олганимдан сўнг тактик схемани 3-4-3 кўринишига ўзгартирдим. Биз албатта ғалаба қозонишни ҳоҳлагандик. Жамоада қилинадиган ишлар жуда кўп. Бу ерда ҳозир барча гапни айтмоқчи эмасман. Шуни такрор айтаман, мағлубият учун барча айбни ўз зиммамга оламан.

Жамоанинг аввалдан шакланган услуби бор эди. Тактик схемани ўзгартирганим бу хато бўлди. Клуб раҳбарияти бизга барча шароитни яратиб берган, афсус ғалаба қозонолмаяпмиз.

Футболчилар билан гаплашдим, улар руҳан тушкунликка тушмасликлари керак. Мағлубиятдан фожиа ясаш керак эмас. Шунингдек, биздан ғалаба кутаётган мухлисларимиздан узр сўрайман. Улар мени, жамоамизни кечиришади деган умиддаман.

Янги ҳужумчи? Ўйин схемани ўзгартирганимизда олдинги чизиққа Билолхон Тошмирзаев, Абдулазизхон Абдурашидовларни чиқардик. Улар бўй борасида устунликка эга эмас. Шунингдек бизда Жасур Хакимов варианти ҳам бор эди. Вазиятларни биз кўпроқ яратаяпмиз, лекин голни рақиблар уришаяпти. Охиригача курашамиз, қўлни тушириш ниятимиз йўқ. Ҳали олдинда ғалабалар келади" - дейди "Турон" устози.