Биринчи лига. "Жомбой" янги мавсумга тайёргарликни давом эттирмоқда. Стадионда таъмирлаш ишлари қизғин давом этмоқда
12 фев 2021 13:56
Новости

Биринчи лига. "Жомбой" янги мавсумга тайёргарликни давом эттирмоқда. Стадионда таъмирлаш ишлари қизғин давом этмоқда

Теги : Жомбой

2020 йил декабрь ойида Биринчи лигага ўтиш ўйинларида ғолиб бўлган "Жомбой" клуби янги мавсумга тайёргарликни давом эттирмоқда.

Айни пайтда клуб Жомбой тумани ҳокими бошчилигида Биринчи лигага қатнашиш учун лицензиялаш талабларини бажариш устида иш олиб бормоқда. Жумладан Жомбой туманидаги "Марказий" стадион ўриндиқлари янгиланмоқда, майдон ҳолати яхшиланмоқда, ювиниш ва кийим алмаштириш хоналари эса таъмирланмоқда.

Бош мураббий Иван Кострикин ва ёрдамчи мураббий Олимжон Мамасолиев бошчилигидаги мураббийлар штаби рақобатбардош жамоа тузиш учун маҳаллий ёшларни кўрикдан ўтказишмоқда.

Маълумот учун, "Жомбой" клуби 2-8 февраль кунлари бўлиб ўтган "Қашқадарё вилояти ҳокими кубоги"да иштирок этди ва 10та жамоа орасида фахрли учинчи ўринни эгаллади.