Биринчи босқич якунлари. "Машъал"нинг гол урган футболчилари

Биринчи босқичда “Ғарб” минтақасида кураш олиб борган “Машъал” яққол устунлик билан рақибларидан илгарилаб кетди. Муборакликлар ўтказилган 22та учрашувнинг 19тасида ғалаба қозонишди. Уч марта дуранг ўйнаган бўлишса, бирор марта ҳам мағлубиятга учрашмади.

Натижада “газчилар” 60 очко тўплаган ҳолда энг яқин таъқибчисидан 17 очкога ўзиб кетишди. Албатта, бунда футболчиларнинг ҳам, мураббийлар штабининг ҳам хизмати катта. “Машъал” мана шу 22та баҳсда 58та гол уришнинг уддасидан чиқди. Бу эса ҳар бир ўйинга ўртача 2,6тадан гол дегани. Рақиблар дарвозасига киритилган 58та гол 14 нафар футболчининг ҳисобига ёзилди.

Жамоа таркибида энг кўп гол урган футболчи Жамшид Ҳасанов бўлди. Иқтидорли футболчининг ҳисобидаги голлари сони биринчи босқичда 13тани ташкил қилди.

“Машъал” футболчилари бўлиб ўтган ўйинларда 4та пенальтини аниқ амалга оширишди. Жаҳонгир Абдумўминов иккита 11 метрлик нуқтадан унумли фойдаланган бўлса, Жамшид Ҳасанов ва Шаҳзод Шайманов бу борада биттадан тўп киритишди. Қуйида “Машъал”нинг гол урган футболчилар рўйхатини келтириб ўтамиз.

1.Жамшид Ҳасанов – 13 (1).
2. Зоҳир Қўзибоев – 8.
3. Ихтиёр Тошпўлатов – 6.
4. Виктор Клишин – 5.
6. Мирзоҳид Ғофуров – 5.
7. Баҳодир Муртазоев – 5.
8. Жаҳонгир Абдумўминов – 4 (2).
9. Элдор Шомуродов – 4.
10. Шаҳзод Шайманов – 2 (1).
11. Шохжаҳон Аббосов – 2.
12. Отабек Шукуров – 1.
13.Аббос Шодмонов – 1.
14. Сирожиддин Раҳматуллаев – 1.
14. Фаррух Давронов – 1, автогол (“Регистон”).