Биласизми? "Навбаҳор" охирги тўрт ўйинда 15та гол ўтказди

Наманганликлар 22 очко билан турнир жадвалида 15-ўринни эгаллаб туришибди. Агар шу кетиш бўлса. "Навбаҳор" биринчи лигага тушиб кетиши мумкин.

Жамоа кеча Бекободда "Металлург" меҳмони бўлиб, 1:5 ҳисобида мағлуб бўлди. Статистикага эътибор берсак, "Навбаҳор" охирги тўрт ўйинда ўз дарвозасидан 15та гол ўтказиб юборди. Бу эса шундай жамоа учун кўп деганидир.

Ўйинларни келтириб ўтамиз:

25-тур. "Навбаҳор" - "Бухоро" 1:2
26-тур. "Насаф" - "Навбаҳор" 6:0
27-тур. "Навбаҳор" - "Қизилқум" 0:2
28-тур. "Металлург" - "Навбаҳор" 5:1

Кўриб турганингиздек, охирги тўртта учрашувнинг ҳаммаси мағлубият билан тугаган ва шундан иккитасида йирик ҳисоб қайд этилган. Жамоа "Насаф"дан олтита, "Металлург"дан эса бешта гол ўтказиб юборган. 5та гол ўтказиш "Навбаҳор" учун шу мавсумнинг ўзида учинчи марта такрорланди. Жамоа аввалги турларда "Локомотив" ва "Пахтакор"дан ҳам бештадан тўп ўтказиб юборганди. Умуман олганда, жамоа олий лига клублари орасида гол ўтказиш бўйича биринчи ўринда бормоқда. "Навбаҳор" ҳозирча 36та гол урган ҳолда 64та тўп ўтказиб юборган.