Бенжамин Уильямс – Йилнинг энг яхши ҳаками!

Бу ҳакам жорий мавсумда кўплаб халқаро ва ички мусобақаларни бошқарди. У биринчи бўлиш учун курашда ўтган йилнинг энг яхши ҳаками деб тан олинган Юичи Нишимура билан баҳрайнлик Наваф Абдуллани ортда қолдирди.

Бенжамин Уильямс бу йил ҳисобидан Ўзбекистон – Иордания (ЖЧ-2014 саралаш плей-офф) баҳсини, шунингдек “Сеул” – “Истиқлол” (ОЧЛ ярим финал) каби нуфузли учрашувларни бошқарди. Унинг келаси йил жаҳон чемпионатида ҳам ишлаши кутиляпти.

Тошиюки Наги – Йилнинг энг яхши эркак қанот ҳаками!

Япониялик Тошиюки Наги ОФК томонидан 2013 йилнинг энг яхши қанот ҳаками деб топилди. Шу ҳафтанинг жума куни 42 ёшга тўладиган ушбу лансймен машҳур ҳакам Юичи Нишимура бригадасида фаолият юритади. У ёзда бўлиб ўтган Конфедерациялар Кубогида қанот ҳаками сифатида ишлади.

2015 йилги Очиё чемпионатида ҳам ишлаши кутилаётган япониялик қанот ҳаками бош соврин учун курашда эронлик Ҳассан Камранифар билан ҳамюрти Тору Сагарани ортда қолдирди.