Бензема "Реал" машғулотида иштирок этмади

Маълумотларга кўра, 31 ёшли ҳужумчи бугун бўлиб ўтган "Райо Вальекано"га қарши тайёргарликини ўтказиб юборди. "Қироллик клуби" ҳозирча франциялик борасида ҳеч қандай маълумот бергани йўқ. Футболчи якшанба куни бўладиган баҳсда иштирок этмаслиги мумкин. Машғулотда Серхио Рамос ва Альваро Одриосола ҳам иштирок этмади.

Бензема жорий мавсум "Реал" сафида 51та учрашувда майдонга тушиб, 30та гол урди ва 10та голли пас берди.