Бент "Ливерпуль"га Салаҳни сотиб, унинг ўрнига Мбаппе ёки Санчони олиб келишни тавсия қилди

Унинг сўзларига кўра, клуб Муҳаммад Салаҳни сотиб, унинг ўрнига Килиан Мбаппе ёки Жейдон Санчони олиб келиши керак.

"Эшитинг, тўғри Салаҳ кўп голлар уради ва топ-ўйинчи. Иккита "олтин бутса", мавсум ўйинчиси, ЕЧЛдаги ғалаба, яна бироздан сўнг АПЛ ғолиби, буларнинг ҳаммаси ўз ўрнида. Аммо, агар уни Мане билан таққослайдиган бўлсак, Садио яхшироқ кўринмоқда. Салаҳ кўп голлар ураётган бўлиши мумкин, аммо Манени кўринг, у қизғанмайди, жамоадошлари учун ўйнайди ва тоза голлар уради. Шундай экан Садиони сотиш хато, у жуда муҳим. Салаҳни сотиб, унинг ўрнини Мбаппе ёки Санчо билан тўлдириб олиш ҳақида ўйлаш керак деб ўйлайман", - дейди Бент.