Бекхэмнинг ўғли ҳам миллионерга айланди

Отасига қарашли клубнинг "Интер Майами 2" захира жамоасида ўйнайдиган 19 ёшли Ромео ака-укалари ичида энг бойига айланиб олди. 

Декабрь ойида у 1,2 миллион фунтлик шартномага имзо чекиб, "Puma" билан келишувга эришганди. Бекхэмлар оиласида бундай шартномалар билан боғлиқ муваффақиятли анъана бор. Девид Бекхем ҳам 2003 йилда "Adidas" билан бир умрлик шартнома тузганди. 

The Sun нашри қуйидагича хабар берди: "Ромеога "Puma"нинг янги юзи бўлиши учун 1,2 миллион фунт тўланди. Ҳозир у Бекхэмлар оиласидаги энг бой фарзанд ҳисобланади. 

Бу Ромеонинг майдондан ташқаридаги энг йирик шартномаларидан бири бўлди. Бу борада унга бошқа брендлар ҳам таклиф билан чиқишганди. Аммо якунда у "Puma"ни танлади. 

Ромео сентябрь ойида "Интер Майами 2"да дебют қилганди. У ҳудди отаси қачонлардир ўйнагани каби ўнг қанотда тўп тепади.