Бекхэм Антарктидада хайрия ўйини ўтказади
12 ноя 2015 08:27
Новости

Бекхэм Антарктидада хайрия ўйини ўтказади

Англия терма жамоасининг собиқ сардори Дэвид Бекхэм айни пайтда Антарктидада бўлиб турибди.

Бундан кўзланган мақсад у ерда хайрия футбол учрашувини ўтказишдир. Бекхэмнинг жамоадошлари ва шу билан бирга рақиблари Антарктидадаги махсус базада яшаётган олимлар, гидлар, механиклар ва ошпазлар бўлишади.

Бекхэм 10 йилдан бери Бирлашган Миллатлар Ташкилотининг ЮНИСЕФ болалар жамғармасида расмий элчиси бўлиб келмоқда. Ушбу хайрия акцияси ўз ичига 7та қитъада ўйин ўтказишни олади. Бу борада Антарктида – бешинчи манзил бўлади. Шу пайтгача Бекхэм Папуа-Янги Гвинея, Жибути, Непал, шунингдек, Аргентинанинг Буэнос-Айрес шаҳридаги энг ночор туманларнинг бирида футбол учрашувлари ўтказди. Антарктидадан сўнг у АҚШга йўл олади. Ўзига хос футбол марафони 14 ноябрь куни Манчестер шаҳридаги муҳташам “Олд Траффорд” стадионида якунланади.

Ссылка :

Источник : dailymail.co.uk

Получайте новости прямо в Telegram!

Рейтинг: +2