Бахтиёр Ашурматов:"Бухоро" ўнлаб голли вазиятлардан фойдалана олмади"

Учрашув якунланганидан сўнг ҳар иккала жамоа бош мураббийлари журналистларга қисқача интервью беришди.

Дастлаб журналистлар саволларига меҳмонлар устози Бахтиёр Ашурматов жавоб қайтарди:

- Бугун ютқазишга ҳаққимиз йўқ эди. "Бухоро" жуда кучли жамоа, бу ерда маҳоратли мураббийлардан бири ишламоқда. Биз ўтган турда ўз майдонимизда "Локомотив"га ютқазганимиз учун бу ўйинда ютқазишимиз мумкин эмас эди. Бухорога биз фақат ғалаба учун келган эдик.
 
Ўйин ҳақида гапирадиган бўлсам, баҳс қийин кечди. "Бухоро" жамоаси биринчи бўлимда жуда кўп ҳужумлар ташкил қилди, ўнлаб голли вазиятлардан фойдалана олмади.

Бугунги ўйинни битта гол ҳал қилди. Мен ўйлайманки, биз ҳақли ғалабага эришдик. Бугун келиб бизларни қуллаб-қувватлаганлари учун "Навбаҳор" мухлисларига раҳмат айтаман. Уларни ғалаба билан табриклайман!