"Бавария" хавбекига рекорд даражадаги шартномани таклиф қилишга тайёр
04 дек 2024 18:28
Новости

"Бавария" хавбекига рекорд даражадаги шартномани таклиф қилишга тайёр

"Бавария" ярим ҳимоячиси Жамол Мусиала клуб билан шартномани узайтириш борасида музокаралар олиб бормоқда.

Бу келишув мюнхенликлар учун рекордга айланиши мумкин, деб хабар берди "Bild".

Агар янги шартнома имзоланса, футболчи йилига 20 млн евродан кўпроқ маош олади. Бу ҳолатда у Ҳарри Кейн билан бирга "Бавария"нинг энг кўп маош олувчи футболчиларидан бирига айланади.

Умуман олганда, Мусиала "Бавария"да кейинги 5 йил давомида 100 млн евродан кўпроқ маош олиши мумкин. Ушбу шартномага имзо чекилса, бу Мюнхен клуби учун рекорд бўлади.

Жамол 2020 йилдан бери "Бавария"нинг асосий жамоасида ўйнамоқда. 21 ёшли хавбек ушбу мавсум барча турнирларда 18 ўйинда қатнашиб, 10 та гол урди ва 4 та голли узатмани амалга оширди. Унинг "рекордмайстр" билан битими 2026 йилнинг июнига қадар тузилган.

Ссылка :

Источник : Bild

Получайте новости прямо в Telegram!

Рейтинг: +3