"Бавария" Мазрауи трансферини эълон қилди

Мюнхен клуби 24 ёшли ўнг қанот ҳимоячиси билан 2026 йилнинг ёзига қадар шартнома имзолади. У "Аякс" билан амалдаги шартномаси тугаётгани туфайли клубни эркин агент сифатида тарк этди.

"Бавария" билан музокаралар эндигина бошланганида, менда дарҳол яхши кайфият пайдо бўлди. Европанинг энг яхши клубларидан бирига қўшилганимдан хурсандман. "Бавария" яқинда кетма-кет 10-марта Германия чемпионига айланди ва келаси йили Чемпионлар Лигаси учун кураш олиб боради.

Энг катта совринларни ютиш учун айнан шу клубни танладим", – деди Мазрауи.

Марокашлик футболчи жорий мавсумда "Аякс" сафида барча мусобақаларда 34 та ўйинда майдонга тушиб, 5 та гол урди ва 4 та голли пас узатди.