"Бавария" Дэвисга қатъий шарт қўйди
25 мар 2024 19:57
Новости

"Бавария" Дэвисга қатъий шарт қўйди

Футболчи келажаги бўйича қарор чиқариши керак.

"Бавария" ҳимоячи Альфонсо Дэвисга қатъий шарт қўйди. Бу ҳақда журналист Флориан Плеттенберг хабар бермоқда.

Мюнхенликлар футболчига йилига 14 миллион евро маош билан 2029 йилгача мўлжалланган янги шартнома таклиф қилишди. Футболчи 20 миллион талаб қилмоқда. Унинг "рекордмайстр" билан амалдаги битими 2025 йилнинг июнига қадар мўлжалланган.

"Бавария" Дэвисга ой охиригача янги шартномаси бўйича жавоб бериш лозимлигини тушунтирди. Агар канадалик буни қилмаса ёки шартномани узайтиришдан бош тортса, клуб уни трансферга қўяди.

Мадриднинг "Реал" клуби 23 ёшли фулбэкка асосий даъвогар сифатида кўрилмоқда, бироқ мадридликлар футболчи учун талаб қилинадиган 50 миллион еврони тўлаш истагида эмас.

Ссылка :

Источник : twitter.com/Plettigoal

Получайте новости прямо в Telegram!

Рейтинг: +2