"Барселона"ни энди Месси тарк этадими? "Манчестер Сити" унинг отаси билан музокаралар олиб борди
24 авг 2017 11:18
Новости

"Барселона"ни энди Месси тарк этадими? "Манчестер Сити" унинг отаси билан музокаралар олиб борди

"Манчестер Сити" клуби "Барселона" етакчиси Лионель Мессининг трансфери устида ишламоқда.

"A Bola" нашрининг маълум қилишича, футболчининг отаси Хорхе Месси "шаҳарликлар" спорт директори Чики Бегиристайн билан учрашган. Музокара давомида томонлар аргентиналикнинг ўтишини муҳокама қилишган. Эслатиб ўтамиз, 30 ёшли футболчининг "кўк-анорранглилар" билан шартномаси бир йилдан кейин ниҳоясига етади.

Мессининг шартномадаги товон пули 300 миллион еврони ташкил этади. Олдинроқ, ҳужумчи "Барселона"дан кетиш ҳақида ўйлаётгани хабар қилинган эди.