“Барселона” Вальверде билан шартномани бекор қилади

“Catalunya Radio”нинг Твиттердаги саҳифасида ёзилишича, бу ҳақда каталонияликлар раҳбарияти мураббийнинг вакилларига маълум қилишган.

Илгарироқ каталонияликлар бир қанча номзодлар борасида музокара олиб бораётгани ҳақида хабарлар чиққанди. Шунингдек, Хави (“Ал Садд”) ва Рональд Куман (Нидерландия терма жамоаси) “Барса”ни бошқаришга рад жавобни беришган.

Вальверде 2017 йилдан буён жамоани бошқариб келмоқда. Унинг қўли остида жамоа икки бор Испания чемпиони, шунингдек мамлакат кубоги  ва Суперкубогида бир мартадан ғолиб чиққан. 

Айни пайтда “Барселона” Испания турнир жадвалида карвонбошилик қилмоқда.