"Барселона" тиббиёт ходимлари Фатига жамоа билан шуғулланишга рухсат берди

"Барcелона"нинг ҳужумкор ярим ҳимоячиси Анссумане Фати тиззасидан олган жароҳатини деярли тиклади.

Даволаш ишлари яхши кетмоқда ва Каталония клуби шифокорлари футболчига жамоадошлари билан машғулот ўтказиш учун рухсат беришди. У душанба куни машғулотларни бошлаши мумкин.

Эслатиб ўтамиз, Фати тўртта жарроҳлик амалиётини бошидан ўтказган. Бироқ, футболчининг тиззаси секин-аста тузалиб бормоқда.