"Барселона" Салаҳ билан шартнома тузиш ғоясидан воз кечди
20 ноя 2024 14:52
Новости

"Барселона" Салаҳ билан шартнома тузиш ғоясидан воз кечди

Каталониянинг "Барселона" клуби кейинги ёзда "Ливерпуль" вингери Муҳаммад Салаҳ учун курашга киришмайди.

Бу ҳақда "Fichajes" маълумот тарқатди. Эслатиб ўтамиз, 32 ёшли мисрликнинг "қизиллар" билан тузган шартномаси ёзда якунига етади ва томонлар уни узайтириш эҳтимол кам дейилмоқда. Шу сабаб эркин агент мақомида шартнома имзолаши мумкин бўлган футболчига қатор клублар қизиқиш билдирмоқда.

"Кўк-анорранглилар" раҳбарияти Салаҳнинг келиши айнан унинг қанотида ўйнайдиган ёш юлдуз Ламин Ямалнинг ривожланишига тўсқинлик қилиши мумкин деб ҳисоблашмоқда. Кўп маош оладиган Салаҳни захира ўриндиғи учун олиш эса мантиқдан йироқ.