"Барселона" директори Мессининг товон пули нима учун юқори эканлигини айтиб ўтди
27 ноя 2017 20:04
Новости

"Барселона" директори Мессининг товон пули нима учун юқори эканлигини айтиб ўтди

"Барселона" директори Гильермо Амор жамоа етакчиси Лионель Месси билан шартнома 2021 йилгача узайтирилгани ҳақида гапириб ўтди.

Эслатиб ўтамиз, янги келишувга кўра, Мессининг товон пули 700 миллион еврони ташкил этди.

"Асабийлашишга ҳожат қолмади. Лионель "Барселона"да ҳамиша чексиз бахтли ва биз Месси қачон хоҳласа, ўшанда фаолиятини айнан шу ерда тугатишини хоҳлаймиз.

Товон пули? Неймар билан рўй берган тарихдан кейин ўзимизни ҳимоялашимиз керак эди", - деди Амор.

Эслатиб ўтамиз, ўтган ёзда ПСЖ Неймарнинг 222 миллион евролик товон пулини тўлаб берган ва "Барселона"дан сотиб олган эди.