"Барселона" "Челси" ҳимоячисига қизиқиш билдирмоқда

"Барселона" мавсум охирида шартномаси тугайдиган Маркос Алонсонинг ўрнига футболчилар қидирмоқда. "Diario Sport" хабарига кўра, "Челси" футболчиси Ян Матсен "кўк-анорранглилар"нинг эътиборини тортди.

"Барселона" Алекс Бальдени ҳимоянинг чап қаноти учун идеал ўйинчи деб ҳисоблайди, бироқ клуб бу позицияда икки футболчи бўлишини истайди.

Каталонияликлар ижара асосида "Леванте"да тўп тепаётган Алекс Вальени қайтариш ҳақида ўйламоқда, бироқ бошқа вариантларни ҳам изламоқда. Улардан бири Матсеннинг имзоланиши.

21 ёшли футболчининг "Челси" билан шартномаси 2024 йилнинг ёзида якунига этади. Лондон клуби ҳимоячига мунтазам ўйин амалиётига эга бўлмаганига қарамай, шартномани узайтиришни таклиф қилган. Қайд этилишича, "Барселона" скаутлари Матсенни бир неча йиллан бери кузатиб келишади.