"Барса" "Севилья" билан Кунде бўйича келишувга Депайни қўшмоқчи. Форвард каталонияликларга керак эмас

As"нинг хабарига кўра, Усмон Дембеле билан келишув узайтирилгани, Рафинья Диас сотиб олингани ва Роберт Левандовскининг эҳтимолий трансферини инобатга олиб, Депайга таркибда жой қолмаяпти. Футболчи клубнинг бўлажак мавсум учун режасига кирмайди.

"Барселона" Мемфисни "Севилья" билан Жюль Кунде бўйича бўладиган келишувга қўшишни жуда хоҳламоқда. Андалусия клуби битимга бошқа бир футболчи ҳам қўшилса, франциялик ҳимоячиси учун талаб қилаётган нархни туширишга розилиги билдирганди.

Депайнинг "Барса" билан шартномаси бир йилдан кейин якунига етади. Форвард хизматларига қизиқиш бўлсада, у учун катта сумма берадиган харидор топиш қийин масала.

"Барса" ҳужумчининг ўзига ҳам агар 20 млн евролик таклиф тушса, қабул қилишини маълум қилиб улгурган. Ўз навбатида каталонияликлар бундай таклиф бўлиши жуда қийинлигини яхши билишади.

Ўтган мавсум 28 ёшли футболчи барча мусобақаларда 37 ўйинда майдонга тушиб, 13 гол урди ва 2 марта шерикларига голли узатмани амалга оширди.