Баркли “Челси” билан шартномага имзо чекди

Лондон жамоасининг Твиттердаги саҳифасининг хабарига кўра, 24 ёшли инглиз футбочлиси “аристократлар” сафида саккизинчи рақам остида тўп тепади.

“Челси”да фаолиятим бошланишини сабрсизлик билан кутмоқдаман. Бу каби жамоада ўйнаш албатта катта имконият. Ўйламанки, “Челси”да футболчи сифатида янада ўсаман ва голлар ураман”, дейди Баркли шартномага имзо чекиб бўлгач.

Илгарироқ Барклининг трансфери 15 миллион фунт (17 миллион евро)ни ташкил этиши ҳақида хабар берилганди. Футболчининг “Эвертон” билан шартномаси жорий мавсумнинг сўнггида якунига етарди.