Баҳриддин Ваҳобов: «Андижонга фақат ғалаба учун боргандик»

Мазкур баҳсда меҳмонлар сафида фаол харакат қилган Баҳриддин Ваҳобов мезбонлар эътирофи бўйича учрашувнинг энг яхши ўйинчиси дея тан олинди. Шу боис Ваҳобовни суҳбатга чорлаб, қисқача суҳбатлашдик.

- Ўйин қийин ўтиши аввалдан маълум эди. Шу боис икки кун олдин Андижонга бориб, жиддий тайргарлик кўрдик. Олдимизга фақат ғалаба қозониш вазифаси қўйилганди. Шу мақсадда ҳар биримиз астойдил харакат қилдик ва якунда керакли натижа қўлга киритилди.

- Билсангиз керак, бунгача қимматли очколарни бой бергандик. Шу боис қандай бўлмасин «Андижон»ни ютишимиз шарт эди. Ҳудди сўнгги жангга чиққандек тушдик. Ўйин қийин кечди. Мезбонлар ҳисобни очгач, ўйинни бироз сусайтириб юборгандек туюлди. Биз эса янада катта иштиёқ билан олдинга ташландик. «Андижон»ни ҳам ҳозирги эгаллаб турган ўрни хавас қилгудек эмас. Шунинг учун уларга ҳам ортга йўл йўқ эди. Очко жамғариш учун жиддий курашди. Аммо омад «Қизилқум»га кулиб боқди - дейди Ваҳобов.