Баҳрайн футбол ассоциацияси ОФКга 2023 йилги U-17 Осиё кубогига мезбонлик қила олмаслигини маълум қилди

Баҳрайн футбол ассоциацияси ОФКга 2023 йили ўтказилиши керак бўлган U-17 Осиё кубогига мезбонлик қила олмаслигини маълум қилди. ОФК эса бу талабни қабул қилган.

Баҳрайн футбол ассоциацияси бош котиби Рашид Ал Зоуби ОФКга ассоциация ушбу ёш тоифасидаги қитъа биринчилигини қабул қила олмаслигидан афсусда эканлигини маълум қилган. Баҳрайн футбол ассоциацияси ушбу турнирни қабул қилишни жуда истаётгани, аммо баъзи омиллар айнан шундай қарорга келишга мажбур қилганини қўшимча қилган. 

ОФК қарорига кўра, Баҳрайн U-17 терма жамоаси Осиё Кубогининг якуний босқичига тўғридан-тўғри йўл олиш имкониятидан айрилди. 

ОФК тез орада ушбу мусобақанинг якуний босқичига мезбонлик қилувчи мамлакат номини эълон қилади.

U-17 Осиё чемпионати саралашига қуръа ташланди. Ўзбекистон Жанубий Корея билан бир гуруҳдан жой олди