Баҳодир Насимов: “Ким ғалаба қозонишини майдондаги ўйин ҳал қилади”

Ушбу баҳсда “қалдирғочлар” рақибларини 2:0 ҳисобида таслим этишди. Учрашувдан сўнг “Бунёдкор” клуби ҳужумчиси Баҳодир Насимов ўйин ҳақида фикр билдирди.

“Сафарда “Олмалиқ”қа қарши қолдирилган учрашувни ўтказдик. “Олмалиқ” 9та турдан бери юта олмай келаётганди. Учрашув аввалига бироз қийинчиликлар бўлди, Минори Сато рақиб дарвозасини 2 бор ишғол қилганидан сўнг бироз енгил насаф олдик. Кейинги турда сафарда “Қизилқум” меҳмони бўламиз. Ҳар бир баҳс олдидан рақибимиз ким бўлишидан қатъий назар бир хил тайёргарлик кўрамиз ва фақат ғалаба учун майдонга тушамиз. Навоий жамоасида ҳам яхши футболчилан жам бўлган. Бу-футбол! Ким ғалаба қозонишини майдондаги ўйин ҳал қилади. Биз рақибларимиз иштирокидаги учрашувларни кузатмаймиз. Ўз ўйинимиз ҳақида ўйлашимиз керак. “Локомотив” ҳамда “Бухоро” ўртасидаги баҳс натижасини ўйлаб ўзимиз мағлубиятга учрасак ҳам бўлмайди. Мақсадимиз ўз ўйинимизда ғалаба қозониш”, - дейди “Бунёдкор” клуби ҳужумчиси Баҳодир Насимов.


Жаҳонгир Сотволдиев