БААнинг Ўзбекистонга қарши тахминий таркиби

Араб футбол таҳлилчилари БААнинг янги бош мураббийи Космин Олариу асосий таркибда бир қанча ўзгаришларга қўл уришини тахмин қилмоқда. Жумладан, 32 ёшли ярим ҳимоячи Мажед Ҳассаннинг кутилаётган ўзгаришлар марказида бўлишини тахмин қилмоқда. 

Таҳлилчилар Косминнинг қуйидаги таркибни майдонга туширишини кутмоқда: дарвозада Холид Эйса; ҳимояда Халифа Ал Ҳаммадий, Лукас Пимента, Холид Ал Дананий ва Алоуддин Зуҳайр; ярим ҳимояда Мажид Ҳасан, Яҳё Надир ва Абдуллоҳ Рамазон; ҳужумда Али Солиҳ, Луан Перейра ва Кайо Лукас. 

Шунингдек, руминиялик мутахассис Саша Ивкович, Куаме Куадио ва Маркус Мелони, шунингдек, Яҳё Ал Ғассоний, Ҳариб Абдуллоҳ ва Фабио Лима каби иқтидорли ўйинчилардан фойдаланиши мумкин.

Аввалроқ БАА таркибида Франция, Сербия ва тунислик футболчилар Ўзбекистонга қарши дебют қилиши мумкинлиги ҳамда терма жамоа мураббийининг маҳаллий мухлисларга мурожаат йўллангани ҳақида хабар берилганди.