БАА U-23 Осиё кубогига йўлланма олган учинчи жамоа бўлди
12 сен 2023 16:22
Новости

БАА U-23 Осиё кубогига йўлланма олган учинчи жамоа бўлди

Бироз аввал U-23 Осиё кубоги саралаши, "G" гуруҳида БАА - Ҳиндистон учрашуви якунига етди.

Унда БАА 3:0 ҳисобида ғалаба қозонди ва гуруҳда биринчи ўрин билан Осиё кубогига йўлланмани қўлга киритди.

Мальдив оролларининг иштирокдан бош тортгани боис бу гуруҳда 3та жамоа қолганди.

Дастлабки турда БАА Хитой билан 0:0 ҳисобида дуранг ўйнаганди. Иккинчи турда Хитой Ҳиндистонни 2:1 ҳисобида таслим қилганди.

Хитой 4 очко билан тўплар нисбатига кўра иккинчи ўринда қолди. Бу жамоада иккинчи ўрин билан Осиё кубогига чиқиш имконияти сақланиб турибди. Бунинг учун қолган гуруҳ натижалари кутилади.

Эслатиб ўтамиз, Осиё кубоги мезбони Қатар тўғридан-тўғри йўлланма олган. "C" саралаш гуруҳида иштирок этаётган Вьетнам дастлабки икки ўйинда 6 очко олиб, қитъа чемпионатига чиқиш масаласини ижобий ҳал қилганди.