Азмуннинг 94-дақиқадаги голи “Рубин”га ғалаба келтирди
02 окт 2018 01:26
Новости
![](https://championat.asia/upload/storage/456136_original.jpg)
![](/upload/storage/456136_220.jpg)
Азмуннинг 94-дақиқадаги голи “Рубин”га ғалаба келтирди
“Казань Арена”да бўлиб ўтган ўйин мезбонларнинг 2:1 ҳисобидаги мураккаб ғалабаси билан якунланди. Аввалига 27-дақиқада қозонликлар ярим ҳимоячиси Вячеслав Подберёзкин ҳужумчи Сердар Азмуннинг тўп узатишидан сўнг ҳисобни очди.
Самараликлар ҳужумчиси Максим Канунников 49-дақиқада жамоадоши Никита Чичериннинг пасидан сўнг мувозанатни тиклади. Баҳс дуранг натижа билан якунига етиб бораётган бир паллада Азмун бунга рози бўлмади. Эронлик футболчи асосий вақтга ҳакам томонидан қўшиб берилган тўртинчи дақиқада “Рубин”га уч очко келтирган голни киритди.
Ушбу ғалабадан сўнг “Рубин” 14 очко билан турнир жадвалида олтинчи ўринга кўтарилиб олди. “Крилья Советов” клуби эса 7 очко билан 15-поғонадан жой олган.
Россия чемпионати. 9-тур
Рубин – Крилья Советов (Самара) – 2:1 (1:0).
Қозон. «Казань Арена».
Голлар: Подберёзкин, 27; Азмун, 90+4 – Канунников, 49.
Рубин: Коновалов Иван, Байрамян (Кудряшов, 77), Гранат, Навас, Уремович, Устинов, Камболов, Коновалов Игорь, Подберёзкин (Могилевец, 60), Полоз (Бухаров, 64), Азмун.
Крилья Советов: Конюхов, Самаржич (Башкиров, 43), Надсон, Зотов (Тигиев, 90), Рохель, Мияйлович, Антон, Чичерин, Ланин, Молло (Соболев, 86), Канунников.
Бош ҳакам: Левников (Санкт-Петербург).
Огоҳлантиришлар: Самаржич, 38; Камболов, 65.
Похожие новости
![AMP Logo](https://championat.asia/image/logo-amp.png)
Комментарии