Азим Аҳмедов: "Трибунадан мен томон янграётган турли сўзлар ўйин пайти руҳан таъсир қилади"

- Ўйин қийин ўтди. Учрашувга кўрилган яхши тайёргарлик самараси ўлароқ ғалаба қозондик. Мураббийларимизнинг танлаган тактикаси иш берди. Шунингдек, бизни қўллаб-қувватлаб турган мухлисларга раҳмат айтаман. Уларнинг далдасисиз ғалаба қозониш қийин иш. Кейинги учрашувларда ҳам ғалаба қозониб мухлисларни хурсанд қилишга ҳаракат қиламиз.

- Азим, трибунадан айрим мухлисларнинг сизнинг манзилингизга бўладиган турлича сўзлари эшитилиб туради. Бу сизга ўйин давомида қанчалик таъсир қилади?
- Бу албатта футболчига руҳан таъсир қилади. Бутун ўйин давомида ўша менга бақираётган мухлисларни сўзлари учрашувга бўлган консентрацияни ушлашда ҳалақит беради. Истайсизми-йўқми, ҳаёлингиз ўша томонга кетиб қолаверади. Бунинг натижасида эса асаб бузилади ва оддий вазиятларда тўпни йўқотиб қўйиш каби техник хатолар вужудга келади. Ҳар бир футболчи учун бу ёқимсиз ҳолат. Аммо қўлдан келганча яхши ўйнашга ва ўйин давомида буларга эътибор бермасликка ҳаракат қиляпман.