Азардан тепки еган йигитча ҳозирда миллионерга айланган; Роналдиньо ва Мейвезер унинг мижозларидан ҳисобланади
24 авг 2022 20:15
Новости

Азардан тепки еган йигитча ҳозирда миллионерга айланган; Роналдиньо ва Мейвезер унинг мижозларидан ҳисобланади

"Челси"нинг "Суонси"га қарши ўйинида Эден Азар тепган йигитча Чарли Морган ҳозирда миллионерлар сафидан ўрин олган.

Спиртли ичимликлар савдоси билан шуғулланадиган йигитчанинг компанияси 40 млн фунт-стерлингга баҳоланган.

Морган 2013 йил Англия лига кубоги ярим финали жавоб учрашуви доирасида "Челси" — "Суонси" баҳсида ўша пайтларда лондонликлар аъзоси бўлган Эден Азардан тепки еган йигитча сифатида танилганди.

Ўша ўйин тугашига 10 дақиқа қолганида йигитча 0:2 ҳисобида ютқазаётган "Челси" футболчисига тўпни беришни истамагандек ҳаракат қилади ва тўпни остига олади. Азар ўспирин босиб турган тўпни тепмоқчи бўлади, бироқ унга ҳам шикаст етказиб қўяди, оқибатда майдондан четлатилади. Ўшанда "Челси" таслим этилди, финалда эса "Брентфорд" 5:0 ҳисобида доғда қолдирилди.

Уэльслик йигит 2022 йил Sunday Times'нинг бойлар рейтингидан ўрин эгаллади. Бразилиялик собиқ футболчи Роналдиньо ҳамда машҳур боксчи Флойд Мейвезер унинг мижозларидан ҳисобланади.