Аёллар футболи. Ўзбекистон U-19 учинчи назорат учрашувида ҳам ғалаба қозонди
24 июл 2018 16:21
Новости

Аёллар футболи. Ўзбекистон U-19 учинчи назорат учрашувида ҳам ғалаба қозонди

Осиё ўйинлари саралашига тайёргарлик кўриш мақсадида Наманганда йиғин ўтказаётган Ўзбекистон U-19 терма жамоаси яна бир назорат ўйини ўтказиши ҳақида хабар бериб ўтгандик.

Шу пайтга қадар Карима Йўлдошева шогирдлари "Қўқон-1912" ва "Нефтчи" аёллар жамоаларига қарши ўйин ўтказиб, 8:2 ва 3:2 ҳисобида ғалаба қозонган эди.

Кеча футболчи қизларимиз Андижондаги "Соғлом авлод" марказий ўйингоҳида "Андижанка" жамоасига қарши баҳс олиб бориб, 2:0 ҳисобида ғалаба қозонишди. Голларни Тожинисо Рашидова (27) ва Арина Смирнова (54) киритишди.

Эслатиб ўтамиз, Ўзбекистон U-19 аёллар терма жамоасининг Намангандаги йиғини 25 июлга қадар давом этади.

Ссылка :

Источник : ufa.uz

Получайте новости прямо в Telegram!

Рейтинг: +1