"Атлетико" президенти Гризманнинг жамоадан кетишини хато қарор деб ҳисоблайди
07 июн 2019 16:30
Новости

"Атлетико" президенти Гризманнинг жамоадан кетишини хато қарор деб ҳисоблайди

"Атлетико" президенти Энрике Сересо Антуан Гризманн кетишини эълон қилгандан сўнг фаолиятини қаерда давом эттиришини билмаётганлигига изоҳ берди.

- Гризманн бу ерда 5 йил ўйнади ва катта иш қилди. Унинг келажаги? Мен унинг қаерга боришини билмайман. "Барселона"дан ҳеч ким мен билан боғланмаган. Илгари Антуан жамоада қолишига ишончим комил эди, аммо ҳозир эмас. Ўйлайманки, "Атлетико"дан кетгани нотўғри қарор бўлди, лекин Гризманн ундай деб ўйламаяпти, - дейди Сересо.

Гризманн "матрасчилар" таркибида 2014 йилдан бери ўйнаётган эди. У 2018/19 йилги мавсум барча турнирларда 48та ўйин ўтказиб, 21та гол ва 10та ассистни амалга оширди. transfermarkt.de футболчини 150 миллион еврога баҳоламоқда.