"Атлетико" клуб тарихида энг кўп ўйин ўтказган ўйинчисини сақлаб қолмоқчи
16 мар 22:52
Новости

"Атлетико" клуб тарихида энг кўп ўйин ўтказган ўйинчисини сақлаб қолмоқчи

Мадриднинг "Атлетико" клуби ярим ҳимоячиси Коке Испания пойтахтида қолиши мумкин.

Фабрицио Романонинг хабарига кўра, клуб бошқарувчилари янги шартнома бўйича музокараларни бошлашди.

Коке Диего Симеоне жамоасининг ўзгартириб бўлмас муҳим элементи ҳисобланади. У жорий мавсум 38та ўйинда майдонга тушиб, 5та ассист қайд этди.

Аммо, "Атлетико" афсонасининг клуб билан битими мавсум сўнггида якунига етади. Агар янги шартнома бўйича келишувга эришилса, 32 ёшли футболчи "Атлетико"да қолади.

Коке бутун футболчилик фаолиятини "Атлетико"да ўтказмоқда. У клуб сафида 624та ўйинда майдонга тушиб, 47та гол ва 116та ассист қайд этди ва "рохибланкос" сафида энг кўп ўйин ўтказган ўйинчи ҳисобланади.

Ссылка :

Источник : twitter.com/FabrizioRomano

Получайте новости прямо в Telegram!

Рейтинг: +6