"Атлетико" - Испания суперкубоги соҳиби

Испания суперкубоги, жавоб ўйини.

"Атлетико" - "Реал" 1:0

"Висенте Кальдерон" стадиони.

Гол: Марио Манжукич (2).

«Атлетико»: Мойя, Хуанфран, Миранда, Годин, Сикейра, Тиаго, Габи, Коке, Рауль Гарсия (Сауль Нигез, 90), Гризманн (Хименес, 73), Манджукич (К.Родригез, 85).

                                  МАТНЛИ ТРАНСЛЯЦИЯ

                                                ЯНГИЛАШ

"Атлетико" мухлисларини ушбу соврин билан табриклаймиз! "Реал" жамоаси ишқибозларига эса кейинги учрашувларда омад тилаб қоламиз! Эътиборингиз учун ташаккур! Доимо соғ-саломат бўлинг, Азиз футбол шайдолари! Кейинги ўйинларда ғойибона кўришгунча...

Бўлди! Учрашув якунланди! "Атлетико" Испания суперкубоги соҳибига айланмоқда!

90+4` Роналдо рақибига нисбатан қоидани бузди. Огоҳлантириш.

90+4` Бурчак тўпи. Касильяс ҳам жарима майдончаси ичига келмоқда...

90+3` Карвахалнинг ошириб берган тўпига Рамос боши билан зарба бера олмади.

90+3` "Реал" ҳужумга ўтмоқда. Сўнгги имкониятларидан бири...

Лука Модрич қўпол ҳаракати учун иккинчи сариқ карточкани ишлаб олди ва майдондан четлатилди.

Учрашувнинг иккинчи бўлимига 4 дақиқа вақт қўшиб берилди.

90` Рауль Гарсия ўрнига Сауль Нигез туширилди.

89` Рамос ҳам огоҳлантирилди.

89` "Атлетико" тўпни "Реал"га бермаяпти.

87` Криштиано Роналдо дарвоза томон зарба йўлламоқчи бўлди. Аммо ҳимоячи тўп йўлига тўғаноқ бўлди...

85` Учрашув қаҳрамони бўлиб турган Марио Манжукич ўз ўрнини Кристиан Родригезга қолдирди.

84` "Реал"нинг футболчиларида ижодкорлик етишмаяпти. Роналдода ҳам, Бэйлда ҳам...

83` Диего Симеоне эса ёрдамчисига трибунадан кўрсатмалар бермоқда.

82` Карло Анчелотти жим туриб ўйинни казтмоқда.

80` "Атлетико" жарима тўпидан самарали тарзда фойдалана олмади. "Реал" ҳам жавоб қайтармоқчи бўлди. Карвахалнинг жарима майдончаси томон узатиб берган тўпини Мойя эгаллаб олди.

78` Иско тушишини сариқ карточка билан "нишонламоқда".

77` "Реал" ҳисобни тенглаштириши мумкин бўлган вазиятларга ҳам эга бўла олмаяпти. Вазиятлар деярли яратилмаяпти. Ҳужумлар рақиб томонидан узиб қўйилмоқда.

75` Ўйин тезлашмоқда, жонланмоқда. Шиддат юқорилашмоқда. "Реал" шошмоқда. "Атлетико" қарши ҳужумларни кучайтирмоқда...

74` Рауль Гарсия сарик карточкага лойиқ топилди.

73` "Атлетико"да ўзгариш. Гризманн ўрнига Хименес тушди.

72` К-О-К-Е! Зарба! Жуда кучли ва чиройли зарба! Касильяс бу вазиятда жамоасига ёрдам бера олмасди, агарда тўп дарвозага аниқ борганида...

71` "Реал"да сўнгги ўзгариш. Коэнтрао ўрнига Марсело.

70` Криштиано Роналдонинг жарима тўпидан тепган зарбаси "жонли девор"гача етиб келди.

69` Кўрдик. Бензема жамоаси фодасига жарима тўпи ишлаб берди. Тўп олдида Роналдо. Яна ким ҳам бўларди... Бу жой Бэйлнинг нуқтаси эмас.

68` Каримжон Бенземани кўрганлар борми?

66` "Реал" сафида ўзгариш руй берди. Хамес Родригез ўз ўрнини Искога бўшатиб берди.

65` "Реал"да иккинчи қаватда бош билан ўйнай оладиган футболчи етимаяпти. Серхио Рамосга рақиб ҳимоячилари "нон беришмаяпти"!

64` Роналдо ва ундан кейин Бэйл йиқилиб тушди. Лекин ҳар иккала вазиятда ҳам ҳакам ўйин қоидаси бузилмади деб топди.

62` Карло Анчелотти ўйинни диққат билан кузатмоқда.

60` Роналдо тўпни Бензема томон узатганди. Лекин ҳимоячи бу вазиятни назорат қилиб турганди.

59` "Атлетико" ҳужум ташкиллаштирди. Бурчак тўпидан сўнг юзага келган хавфли вазиятни меҳмонлар сўнгги паллада бартараф эта олишди.

57` Рауль Гарсиянинг "замбаракни ўқи"дек йўллаган зарбасига бироз аниқлик етишмади.

56` Криштиано Роналдо йиқилиб тушди. Ҳакам бу вазиятга эътибор ҳам қаратмади. Роналдонинг "найранг"и ўтмади.

54` "Атлетико"нинг қанот бўйлаб уюштирган ҳужумини Карвахаль ўзининг аниқ ҳаракати эвазига тўхтатиб қолди ва жамоаси жонига оро кирди.

53` Иккинчи тайм дебюти карточкалар ёмғири билан бошланди...

52` Хаби Алонсо ва Рауль Гарсия тўқнашиб кетди. Навбатдаги сариқ карточка муаллифи - Алонсо.

51` Коке ҳам огоҳлантирилди.

50` "Атлетико" ҳисобдаги фарқни иккитага ошириши мумкин эди...

50` РАУЛЬ ГАРСИЯ!!!!!!!!!!!!!!! Тиниб-тинчимас Рауль Гарсия жарима майдончаси ичидан тўпни дарвозага йўллади. Унинг берган зарбаси дарвоза тусинига тегиб қайтди. Қайтган тўпга эса мезбонлар футболчиси зарба бера олмади.

49` Лука Модрич ҳакам томонидан огоҳлантирилди.

49` Карвахалнинг қанотдан узатиб берган тўпини рақиб ҳимоячилари бартараф этишди.

48` Роналдо тушиши биланоқ фаоллик кўрсатишни бошлади. Лекин Хуанфран ундан тўпни олиб қўйишни уддасидан чиқди.

46` Иккинчи бўлим бошланди!

"Реал" сафида ўзгариш руй бермоқда. Роналдо майдонга тушмоқда. Криштиано жамоадоши Тони Кроосни алмаштиради.

Биринчи бўлим тугади. ТАНАФФУС!

Хавфли вазият! Хамес Родригезнинг 16-метрлардан йўллаган зарбаси дарвоза олдидан ўтиб кетди.

Биринчи бўлимга 1 дақиқа вақт қўшиб берилди!

45` Бурчак ошириб берилган тўпга тиниб-тинчимас Рауль Гарсия боши билан зарба берди. Бирозгина ноаниқ.

44` Рауль Гарсиянинг узоқдан йўллаган зарбасини Касильяс қайтаришга эришди. Бурчак тўпи.

41` Вараннинг узоқдан йўллаган зарбаси қаерларгадир кетди...

39` Хавфли вазият! Гарет Бэйл қулай имкониятдан фойдалана олмади. Унинг Мойя қўриқлаётган дарвоза томон берган зарбаси бироз ноаниқ бўлди.

36` Хамес Родригезнинг боши билан берган зарбаси дарвозага аниқ бормади. Колумбиялик футболчи бундан ғазабда.

34` "Реал" кетма-кет бурчак тўпларини амалга оширди. Иккала вазиятда ҳам ҳимояга қайтган Марио Манжукич жонбозлик кўрсатиб хавфни бартараф этди.

32` "Атлетико"нинг позицион ҳужуми Марио Манжукичнинг қоида бузиши билан якунланди.

30` "Реал" ташаббусни ўз томонига оғдириб олгандек. Кетма-кет ҳужумлар ва бурчак тўплари. Лекин ҳозирча булар ҳам самара келтирмаяпти.

28` Диего Симеоне ушбу ўйинни қолган дақиқаларини мухлислар қаторидан томоша қиладиган бўлди.

27` Диего Симеоне ҳакамдан норози. Унинг қарорлари Симеонега ёқмаётганини билдирди. Диего Симеоне олдига келган ҳакамни бошига уриб қўйди. Ёш болаларни ўргандек...

26` "Реал" жонланди. Балки ўзига келди. Хамес Родригез-Карвахаль-Хамес Родригез "учбурчаги"дан сўнг колумбиялик футболчи зарба бермоқчи бўлди. Лекин Мойя ўз ўрнида.

25` Бэйл бурчак тўпи ишлаб олди. Модрич-Карвахаль комбинациясини Мойя бартараф этиб қолди.

23` Карим Бензема ҳам майдонда экан. Ҳозир экранда кўргандек бўлдим.

21` "Атлетико"нинг ҳужумлари кескин тус олмоқда. Жарима тўпидан ошириб берилган тўпни Миранда оёғи билан Марио Манжукич томон ташлаб бермоқчи бўлди. Лекин тўп майдонни тарк этиб қолди.

20` Серхио Рамос ва Марио Манжукичнинг тўқнашувлар серияси бугун ҳам давом этмоқда.

19` Лука Модричнинг кучли зарбаси мўлжалга аниқ бормади.

18` Тиаго ҳакам томоиндан огоҳлантирилди.

17` Коке Карвахалга нисбатан ўйин қоидасини бузди. Белгиланган жарима тўпини Хамес Родригез амалга оширди. Жарима майдончаси томон етказиб берилган тўпни Рамос дарвозага йўлламоқчи бўлди. Аммо ўхшамади.

15` "Атлетико" ҳужум уюштирди. Гризманнинг зарбаси рақиб футболчисига тегиб майдондан чиқиб кетди. Лекин бурчак тўпи мезбонларга иш бермади. "Реал" тўпни яна ўз назоратига олди. Лекин ҳужумдан дарак йўқ.

13` Тўп назорати "Реал" қўлида. Лекин вазиятлар яратиш борасида улар оқсашмоқда. "Атлетико" эса ҳимояда ишончли тарзда ҳаракат қилмоқда.

12` Бэйл рақибига нисбатан қўполлик ишлатди. Ҳозирча шуниси билан эсда қолди, 100 миллионлик футболчи.

10` "Реал"нинг режалари амалга ошмаяпти. Роналдонинг йўқлиги сезилмоқда дейсизми? Бу фикрга қўшилмай иложимиз йўқ...

7` "Реал" аста-секин олдинга ўтишни бошламоқда. Ҳозирча фақат тўпни ўз жарима майдончалари олдидан узоқлаштира олишмоқда. 

5` "Атлетико" ҳужум қилиш билан овора. "Реал" ҳозирча ҳеч нарса қила олмаяпти.

3` "Реал" ҳозирча ҳимояланиш билан банд. Гризманннинг ажойиб пасини қабул қилиб олган Марио Манжукич жарима майдончасига кирмасдан зарба йўллади ва ҳисобни очди. Чиройли гол!

2` ГООООООООООООООООООООООООООЛ! МАРИО МАНЖУКИЧ!

2` "Атлетико" ҳужумкорлик билан ўйинни бошлади. Илк бурчак тўпи. Рауль Гарсиянинг зарбасини Касильяс ушлаб олди.

1` УЧРАШУВ БОШЛАНДИ!

Учрашувни Сизлар билан Шаҳбоз Беғамов кузатиб боради.

Ассалому алейкум қадрли футбол ишқибозлари! Бугун Испания суперкубогининг жавоб баҳси "Атлетико" - "Реал" учрашуви бўлиб ўтади. Бу жамоаларнинг Мадридда ўтган биринчи учрашувида жамоалар 1:1 ҳисобида дуранг натижасини қайд этишганди. "Висенте Кальдерон" стадионида кечадиган беллашув Испания суперкубоги тақдирини ҳал этиб беради. 

Учрашув соат 01:30да бошланади.