"Атлетико" ҳимоячиси билан шартномани узайтирди

Мадриднинг "Атлетико" клуби ўз расмий сайти орқали ҳимоячи Хосе Хименес билан шартнома узайтирилганини эълон қилди. Томонлар 2028 йилнинг июнига қадар мўлжалланган янги шартнома имзолади.

Уругвайлик футболчи 2013 йилдан буён "матрасчилар" таркибида ўйнаб келмоқда. 28 ёшли марказий ҳимоячи шу кунгача Мадрид клуби сафида 290 та ўйин ўтказиб, 12 та гол урган ва 10 та голли узатмани амалга оширган.

"Атлетико"нинг навбатдаги ўйини 8 октябрь куни ўз майдонида "Реал Сосьедад"га қарши ўтади.