"Атлетико" Дибала учун ажойиб таклиф жўнатди
16 мая 2019 20:00
Новости

"Атлетико" Дибала учун ажойиб таклиф жўнатди

Мадриднинг "Атлетико" клуби "Ювентус"нинг аргентиналик ҳужумчиси Пауло Дибалани кўлга киритишга бел боғлаган кўринади.

Мадридликлар 25 ёшли форвард учун 5 йиллик шартнома таклиф этишган. Унга кўра, Дибала йилига бонуслар билан 9 миллион евро ишлаб топади. Дибала ушбу вариантни кўриб чиқмоқда. Бу ҳақда La Gazetta dello Sport нашри журналисти хабар берди.

Манбага кўра, агар жамоа мураббийи Массимилиано Аллегри туринликлар билан ҳамкорликни давом эттирса, Дибала "Атлетико" берган таклифга рози бўлиши мумкин.

Жорий мавсум Пауло 40 учрашувда 10 та гол урди ва 6 марта голли пас беришга эришди.