Артур “Барса” сафида ЕЧЛда ўйнашдан бош тортди ва Бразилияга жўнаб кетди
28 июл 2020 00:49
Новости

Артур “Барса” сафида ЕЧЛда ўйнашдан бош тортди ва Бразилияга жўнаб кетди

“Барселона”нинг бразилиялик ярим ҳимоячиси Артур Рамос клубнинг рухсатисиз ўз ватанига жўнаб кетди ва у каталонияликлар сафига қайтмоқчи эмас, дея хабар бермоқда Mundo Deportivo.

Нашр хабарига кўра, “Ювентус” билан шартнома имзолаган футболчи “Барселона” сафида ЕЧЛ баҳсларида майдонга тушишдан бош тортган. Каталонияликлар бу ҳатти ҳаракати учун футболчини жазога тортишмоқчи.

Эслатиб ўтамиз, “Барселона” 23 ёшли Артурни 72 миллион евро эвазига “Ювентус”га трансфер қилди. Ўз навбатида туринликлар ярим ҳимоячиси Миралим Пьянич 60 миллион евро эвазига “Барселона”га кўчиб ўтди.

“Барселона”ЕЧЛ 1/8 финали жавоб учрашувида “Наполи” билан куч синашади. Беллашув 8 август куни бўлиб ўтади. Италияда ўтган илк учрашувда 1:1 ҳисоби қайд этилган.

Ссылка :

Источник : Mundo Deportivo

Получайте новости прямо в Telegram!

Рейтинг: +26