Артета МЮга қарши ўйин ҳақида: "Каземиро ўйнамаслигини ҳисобга олган ҳолда режа тузамиз"

"Арсенал" клуби бош мураббийи Микель Артета МЮга қарши ўйин ҳақидаги саволларга жавоб берди.

- "Олд Траффорд"даги мағлубият жамоангизга қўшимча иштиёқ берадими?

- Бизга бу дарс бўлиши керак. Ўша ўйинда бир неча муҳим вазиятлар бўлганди. Масалан, ўшанда мағлуб бўлган бўлсак ҳам, кўплаб вазиятларда ўйинни назорат қилгандик.

Бироқ, "Ман Юнайтед"нинг кучли жиҳати ҳам шунда – ўйинни назорат қилсанг ҳам, натижани бой беришинг мумкин. Сабаби, уларда индивидуал маҳоратга эга ўйинчилар кўп ва бу кўп муаммолар келтириб чиқариши мумкин.

- Каземиронинг йўқлиги ўйинга қанчалик таъсир ўтказади?

- У биринчи ўйинимизда йўқ эди, аммо биз ўша ўйинда ҳам мағлубиятга учрагандик. "Ман Юнайтед"нинг ўйинига қаранг, улардаги жамоавий ўйин, аҳиллик шу қадар кучлики, жамоа исталган рақибни мағлуб қилиши мумкин. Каземиро ўйнамаслигини ҳисобга олган ҳолда режа тузамиз – буниси аниқ.