Артета: “Дерби”даги ғалаба бурилиш нуқтаси бўлишига умид қиламан”

“Биз учун бу катта ғалаба. Натижаларимиздан кўнглимиз тўлмаётганди. Бундан барча – футболчилар, мухлислар ҳам қайсидир маънода “жабр” кўришди. “Боксинг дей”да Лондон дербисида “Челси”ни мағлуб этишданда аълороқ иш йўқ. Ўйламанки, бу ғалаба кейинги ғалабаларимизнинг дебочаси бўлади. 

Футболчиларим шундай юксак савияда ўйин кўрсата олишларини биламан. “Челси” қандай кучга эканлигини барчага маълум. Аммо ҳал қилувчи вазиятларда биз яхшироқ ҳаракат қилдик. 

Жароҳатлар, коронавирус, бир киши кам бўлиб ҳаракатланиш... Бизнинг ғалабамизга тўсқинлик қилган жиҳатлар ҳақида ўйларкансан, ғамгин мухлисларни ғалаба билан хурсанд қилиш албатта ёқимли. Улар натижаларимиздан хавотирга тушиб қолишганини тушуниб турибман.

Биз учрашувни яхши бошладик ва ташаббксни ўзимизда сақлаб тура олдик. БУ жамоага ишонч ва хурсандчилик бахш этади. Келинг шу руҳда давом этайлик. Биз ҳали яна кўплаб жиҳатларимизни яхшилаб олишимиз керак”, деди мураббий “Sky Sports”га берган интервьюсида.