"Арсенал" Влахович учун 80 миллион евро тўлашга тайёр, бироқ футболчи буни истамаяпти

Лондон клуби аллақачон флоренцияликлар билан форвард трансфери борасида музокара олиб борган. 

"Фиорентина" бош директори Жо Бароне ва спорт директори Даниэль Праде "канонирлар"нинг истагини билиш учун Лондонга учиб кетишди.

"Арсенал" "Фиорентина" сўраётган 80 миллион еврони январда тўлашга тайёр. Лондонликлар сумманинг бир қисмини белгиланган шаклда, бир қисмини эса бонуслар кўринишида тўламоқчи.

Клублар келишувга эришишга яқин, бироқ футболчи ва унинг агенти "Арсенал"га ўтишни истамаяпти. Футболчининг агенти янада яхшироқ таклифларни ўрганмоқчи ва ёзгача кутишга тайёр.

Агар шундай бўладиган бўлса, "Фиорентина" қийин аҳволга тушиб қолади, чунки клуб январь ойида Влаховичнинг ўрнига ҳужумчи сотиб олмоқчи эди. Асосий номзод "Сассуоло"дан Доменико Берарди ҳисобланади.

Жорий мавсумда 21 ёшли футболчи А Сериянинг 11 ўйинида 8 та гол урди ва битта голли узатмани амалга оширди.