"Арсенал" футболчисини четлатган ҳакамга уни ва икки ёшли қизини ўлдириш билан таҳдид қилишди

Эслатиб ўтамиз, "Вулверхэмптон"га қарши баҳсда (1:0) "Арсенал" ярим ҳимоячиси Майлз Льюис Скелли ҳакам томонидан четлатилган эди.

Тўпни рақибидан олиб қўйишга уринган Льюис Скелли бутсасининг таг қисми билан Мэтт Доэртининг оёғига зарба берганди, шундан сўнг ҳимоячи майдонга қулади. Майкл Оливер 18 ёшли футболчига қизил карточка кўрсатди.

Майкл Оливернинг ҳамкасблар унинг қарорини қўллаб-қувватлашди. Ўйин давомида мухлислар томонидан ҳакам номига ҳақоратли сўзлар айтилди.

Маълумотларга кўра, интернетда Оливер ва унинг икки ёшли қизига ўлим билан таҳдид қилишган. Расмийларнинг фикрича, иш фақат интернетдаги хабарлар билан тўхтайди. Шунга қарамай пойтахт полицияси ишни керакли органларга топширишган.

Айни дамда полиция ҳакам уйи атрофида қўриқчилик қилмоқда.