Арсен Венгер: “Анри - “Монако” учун энг яхши танлов!”
14 окт 2018 07:49
Новости

Арсен Венгер: “Анри - “Монако” учун энг яхши танлов!”

Лондоннинг “Арсенал” клуби собиқ устози Арсен Венгер Тьерри Анрининг “Монако” бош мураббийи этиб тайинланишига муносабат билдирди.

“Тьерри -“Монако” учун энг яхши танлов! Унга бўлган ишонч юқори, у жуда ҳам ақлли ва энг муҳими футболни яхши тушунади. Лекин мураббийлик фаолиятининг бошланғич даврида осон бўлмаслиги аниқ. Омадсиз ўйинлар бўлади. Мураббийликда ўзинг учун кўп нарсалардан воз кечишингга тўғри келади”, - дея Венгернинг сўзларидан иқтибос келтирмоқда Goal.

Эътиборлиси, Анри айнан “Монако” клубининг тарбияланувчиси ҳисобланади. Француз футболчиси 1994 йилдан 1999 йилгача айнан манегаскликлар шарафини ҳимоя қилган. Анри илк бор бош мураббий сифатида ишлайди. Унгача у “Арсенал” клуби ҳамда Бельгия терма жамоаси мураббийлар штабида ишлаган.