Аргентина терма жамоаси устози: "Биз яна бир финалда ўйнашни истаймиз"

"Натижа бироз алдамчи бўлди деб ўйлайман, сабаби якуний натижа бўйича биз йирик ҳисобда ғалаба қозондик, аммо ўйин давомида рўй берган воқеалар натижага тўғри келмайди. Биз жуда кучли рақибга қарши ўйнадик. Учрашувга тайёргарлик жараёнида рақибни ўрганиб чиққандик. Жамоамни ғалаба билан табриклайман, биз ўз режамизга амал қилдик ва йигитлар уни аъло даражада бажариб беришди. Энди эса ярим финал ҳақида ўйлашимиз керак. Қозоғистон жуда кучли рақиб ва дунёнинг энг кучли терма жамоаларидан бири деб айта оламан. Нимчорак финал босқичида қозоқлар амалдаги жаҳон чемпионларини мағлуб этишди. Очиғини айтсам, биз бугун рақибдан яхшироқ эдик ва ғалабага лойиқ эдик деб ўйлайман.

Кейинги рақибимиз Франция ҳам жуда кучли жамоа ҳисобланади. Бугун ғалабани нишонлаймиз, эртадан бошлаб эса кейинги учрашув ҳақида бош қотирамиз. Биз яна бир бор финал баҳсида иштирок этишни мақсад қилганмиз", - деди Матиас Люкуикс.

Абдулвосит Бектемиров суҳбатлашди