АПЛга йўлланма берувчи сўнгги ўрин учун Лемпард ва Бьелса жамоалари ҳам курашади
05 мая 2019 20:09
Новости

АПЛга йўлланма берувчи сўнгги ўрин учун Лемпард ва Бьелса жамоалари ҳам курашади

"Норвич" клуби Чемпиошип ғолиби сифатида кейинги мавсум АПЛда ўйнайди.

"Канарейкалар" Англиянинг биринчи дивизионида ўз тарихида иккинчи бор чемпионликни қўлга киритди ва 46 турда 94 очко жамғариб АПЛга йўл олди.

Иккинчи йўлланма "Шеффилд Юнайтед" жамоасига насиб этди. Ушбу клуб 89 очко билан иккинчи ўринни эгаллади.

АПЛга йўлланма берувчи учинчи йўлланма учун "Лидс" (83 очко), "Вест Бромвич" (80), "Астон Вилла" (76), "Дерби Каунти" (74) жамоалари кураш олиб боришади.

Марсело Бьелса бошқарувидаги "Лидс" дебютант мураббий Френк Лемпард жамоасига қарши ("Дерби Каунти") беллашади. Иккинчи жуфтликда эса "Астон Вилла" - "Вест Бромвич" тўқнашуви ўтказилади.э

Ярим финал ўйинлари уй-сафар тизимида 11-15 май кунлари бўлиб ўтади. Финалга чиққан икки жамоа 27 май куни "Уэмбли" стадионида АПЛ йўлланмаси учун курашади.