АПЛ+EPLManager. Англия чемпионатининг 9-тур шарҳи
25 окт 2016 12:27
Новости
![](https://championat.asia/upload/storage/225700_original.jpg)
![](/upload/storage/225700_220.jpg)
АПЛ+EPLManager. Англия чемпионатининг 9-тур шарҳи
Англия чемпионатининг 9-тури бизга кўплаб кутилмаган натижаларни тақдим этди.
Чемпионлик учун икки даъвогар "Арсенал" ва "Тоттенхэм" "Борнмут" ва "Мидлсбро" билан нурсиз дурангга рози бўлди. "Тўпчилар" жорий мавсумда энг кўп гол ураётган жамоалардан бири бўлсада, ўз уйида аутсайдерлар дарвозасини ишғол қила олмади.
Яна бир етакчи "Ливерпуль" ўз майдонида "Вест Бромвич"ни қабул қилди (2:1). Юрген Клопп жамоаси Мане ва Коутиьноларнинг голи туфайли ғалабага эришди. Меҳмонлар сафида Гарет Маколи ўз ҳисобига гол ёздириб қўйди.
АПЛнинг амалдаги чемпиони "Лестер Сити" "Кристал Пэлас"ни таслим этди (3:1). Муса, Оказаки ва Фухсларнинг голига меҳмонлар Кабайнинг ягона аниқ зарбаси билан жавоб қайтаришди. Натижада икки жамоа турнир жадвалида қўшнига айланди.
"Халл Сити" ва "Сток Сити" ўртасидаги баҳсда Шакирининг дубли меҳмонларга ишончли ғалаба тақдим этди.
Рональд Куман қўл остидаги "Эвертон" меҳмонда "Бёрнли"га мағлуб бўлди (1:2). Лукаку EPLManager сайтининг 14% фойдаланувчисини умидини пучга чиқармади ва ўз ҳисобига битта гол ёзиб қўйди. Мезбонлар сафида Воукс ва Арфилд гол урди.
"Суонси" ва "Уотфорд" ўртасидаги баҳс ҳам голсиз дуранг билан якунланди. "Вест Хэм" - "Сандерлен" учрашувида эса Уинстон Рид туфайли "болғаурарлар" 3 очкога эга бўлишди.
"Манчестер Сити" очко йўқотишда давом этмоқда, аммо ҳозиргача турнир етакчиси бўлиб қолмоқда. "Шаҳарликлар" якшанба куни "Саутгемптон"ни қабул қилишди ва бу учрашувда ҳам дуранг қайд этилди, аммо иккала жамоа биттадан гол уришга муваффақ бўлди. Редмонд ўз жамоасини ҳисобда олдинга олиб чиққанидан сўнг, Ихеаначо ҳисобни тенглаштирди ва учрашув шу натижа билан якунланди.
"Челси" - "Манчестер Юнайтед" учрашувида "аристократлар" "қизил иблислар"ни янчиб ташлашди. Жозе Моуриньо ўзининг собиқ жамоасидан кучли зарба қабул қилиб олди. "Стэмфорд Бриж"га йиғилганлар ўз севимлиларидан 4 та гол кўришди. Меҳмонлар эса бунга жавоб қайтара олишгани йўқ.
"Sheepp20" "EPLManager"да энг кўп очко тўплаган фойдаланувчига айланди. У супер-сардорсиз 83 очко жамғарди.
IPro лигасида Ўзбекистондан "Arteam" жамоаси 143 очко билан етакчилик қилмоқда. Ушбу лигада 1 ва 10 ўрин ўртасидаги фарқ бор-йўғи 12 очкони ташкил қилади.
Турнинг энг яхши футболчилари:
1. Xherdan Shaqiri (STK) 12 points
2. Gary Cahill(CHE) 12 points
3. Winston Reid(WHU) 12 points
4. Sadio Mané (LIV) 10 points
5. Ryan Shawcross (STK) 9 points
Супер-сардор сифатида энг кўп танланган футболчилар:
1. Alexis Sánchez
2. Theo Walcott
3. Sergio Agüero
4. Romelu Lukaku
5. Philippe Coutinho
6. Diego Costa
Похожие новости
![AMP Logo](https://championat.asia/image/logo-amp.png)
Комментарии