АПЛда йилнинг дастлабки ўйини якунланди: "Суонси" - "Манчестер Сити" 2:3

Учрашувнинг 14-дақиқасида меҳмонларнинг янги ярим ҳимоячиси Фернандиньо ҳисобни очди - 0:1. Ушбу гол Англия премьер лигасида 2014 йилда урилган биринчи гол бўлиб тарихда қолди. Биринчи бўлимга қўшиб берилган дақиқаларда майдон эгаларининг ҳужумчиси Вильфрид Бони боши билан Харт дарвозасини ишғол қилди - 1:1. Бу вазиятда ҳужумчи ўйиндан ташқари ҳолатда тургани маълум бўлди. Лекин ҳакамлар буни кўрмай қолишди. Дастлабки бўлим мана шу ҳисоб билан якунланди.

57-дақиқада Африканинг 2013 йилдаги энг яхши футболчиси номига даъвогарлик қилаётган Яя Туре гол урди - 1:2. 66-дақиқада Александр Коларов меҳмонларнинг устунлигини янада мустаҳкамлади - 1:3.

Иккинчи бўлимга ҳакам томонидан қўшиб берилган дақиқаларда Бони дублга эришди - 2:3. Баҳс мана шу ҳисобда "Сити"нинг ғалабаси билан тугади.

Англия чемпионати

Суонси – Манчестер Сити 2:3
1 январь, 17.45, «Либерти Стэдиум»
Голлар: 0:1 – 14 Фернандиньо,  1:1 – 45 Бони (де Гузман), 1:2 – 57 Яя Туре, 1:3 – 66 Коларов, 2:3 – 90+1 Бони.
Суонси – Треммель, Ранхель, Уилльямс, Чико, Дэвис, Каньяс, Шелви (Посуэло, 81), П. Эрнандес (Лама, 10), де Гузман, Раутледж, Бони.
Манчестер Сити – Жо Харт, Сабалета, Настасич, Компани, Коларов, Яя Туре, Фернандиньо, Навас (Родуэлл, 90), Насри (Милнер, 69), Жеко, Негредо (Хави Гарсия, 60).
Огоҳлантиришлар: Насри (26), Каньяс (37), Жеко (38), Шелви (45), Компани (54), Сабалета (86), Милнер (90).