АПЛда 37 гол урган футболчи Тошкент жамоасида ўйнаши мумкин эди?!
04 авг 2021 22:51
Новости

АПЛда 37 гол урган футболчи Тошкент жамоасида ўйнаши мумкин эди?!

"Sports.ru" сайти Ўзбекистонда туғилган, Нигерия термаси таркибида ҳаракат қилган Питер Одемвингие билан интервью ташкил қилди.

Собиқ футболчи ушбу сайтга берган интервьюсида қизиқ тарихни айтиб берди.

Футболчи 2019 йили фаолиятини якунлашни истаган ва буни ватанида амалга оширмоқчи бўлганди. Питер ўшанда хизматларини Тошкентнинг "Бунёдкор" ва "Локомотив" жамоаларига таклиф қилган. Шунингдек, катта маош ҳам сўрамаган. Шунчаки ўз ватанида фаолиятини якунлаш мақсади эканлигини икки томонга ҳам айтган.

Аммо ўшанда Питер 38 ёшга кириб қўйгани боис икки клуб ҳам уни ўз таркибига қўшиб олишни истамаган. Шу орқали Одемвингиенинг футболчилик фаолиятидаги сўнгги жамоаси Индонезиянинг "Пелита Жая" клуби бўлиб қолди. У ушбу клуб таркибида 23 ўйинда қатнашиб, 15 гол урди.

Sports.ru ушбу интервьюни яқин вақтлар ичида оммага тақдим қилади.

Ссылка :

Источник : Sports.ru

Получайте новости прямо в Telegram!

Рейтинг: +16