АПЛ клуби сардори камалак боғични тақишни хоҳламади, клубдагилар унинг қарорига қаршилик кўрсатишмади

Ўтган ҳафтада Премьер-лигада Rainbow Laces акцияси бўлиб ўтди. Унинг доирасида жамоа сардорлари майдонга камалак рангли боғичларда чиқиши керак эди.

"Ипсвич" сардори Сэм Морси ушбу акцияда иштирок этишдан бош тортган ягона футболчи бўлди. 33 ёшли мисрлик бу ишни диний сабабларга кўра қилмаганини айтди.

Клубдагиларнинг таъкидлашича, улар жамоа сардорининг қарорини ҳурмат қилишади.

Морси Вулверхэмптонда мисрлик ва англиялик аёл оиласида дунёга келган. У 2016 йилдан 2023 йилгача Миср терма жамоасида 9та учрашув ўтказган.